باسم يوسف عن إحالة أبوتريكة للنيابة ويصرح أنه يدفع ثمن بقائه في مصر

علق الإعلامي باسم يوسف، على قرار إحالة لاعب النادي الأهلي ومنتخب مصر سابقًا، محمد أبوتريكة للنيابة، واصفًا اللاعب بأنه "يدفع ثمن بقائه في مصر".

وقال باسم يوسف، اليوم السبت، على صفحته الرسمية في موقع التواصل الاجتماعي الـ"فيسبوك"، اليوم السبت، "ردًّا على سؤال في آخر لقاء تليفزيوني، "ليه ما قعدتش في البلد دي زي أبوتريكة؟"، قلت إني بحييه على شجاعته، بس أنا ما أقدرش أخاطر وأعرض أهلي للخطر، وناس زايدت، وقالت إن أنا ببالغ وبهول، أبوتريكة بيدفع تمن قعاده في البلد، النهارده أتحول للنيابة بتهمة تمويل جماعة إرهابية، تهمة جاهزة ومحفوظة".

وأضاف يوسف، "أبوتريكة ما عملش حاجة غير إنه كان بيفرحنا كل مرة بيلمس فيها الكورة، وبره الملعب وموقفه بعد مذبحة بورسعيد كان أكتر من محترم، ربنا يكون في عونه ويخفف عليه هو وكل اللي متاخدين ظلم، بالنسبة للتعليقات بقى بتاعة أنه راجل وأنت جبان وهربت وكده، لو أنت مش قاعد بتكتب التعليق ده من جوه زنزانة في سجن العقرب يبقى يا ريت تخلي شجاعتك المزعومة دي لنفسك".