رانيا يوسف تكشف إنها تميل دائمًا للأفكار المجنونة

قالت الفنانة المصرية رانيا يوسف، إنها تميل دائمًا للأفكار المجنونة، وذلك في إطار حديثها عن مسلسلها الذي أثار ضجّة واسعة "الآنسة فرح"، المأخوذ عن المسلسل الأمريكي "Jane the virgin"، وقدمت من خلاله شخصية "دلال". وأقرت رانيا يوسف، أنها شخصية "مجنونة" في الواقع، قائلة : "أنا مجنونة.. وبحب أتجنن وأفكر بطريقة مختلفة.. الحاجات اللي مش بطريقة تقليدية.. والفكرة أحيانا تشدك وتخليكي تعمليها".

وفاجأت رانيا يوسف الجمهور برأيها في الزواج مجددًا، حيث تحدثت أولًا عن زيجاتها السابقة، فقالت: "زيجاتي مكانتش ناجحة خالص"، مشددة على أنها قررت عدم الزواج مجددًا، ولكن إذا دخلت قصة حب ستكمل العلاقة بدون زواج.
وأردفت رانيا يوسف قائلة: "خلينا نتكلم عن مسألة نجاح الجواز.. الجواز مش ناجح خالص مبدئيًا، وفكرة الجواز مش ناجحة أساسًا، إلا لو اتنين حبوا عيوب بعض قبل المميزات، وتخيلوا شكلهم وهما عواجيز، وحبوا إنهم يكبروا مع بعض".

وتابعت الفنانة المصرية المثيرة للجدل: "اللي بيحصل دلوقتي إن الشباب بيتجوز صغير وبعدين الست تحمل وتخلف، والأمور تتغير وعشان كده أنا بنصح البنات ميتجوزوش قبل سن التلاتين عشان الواحد بيبقى أنضج وأعقل شوية، وعارف هو عايز إيه في الجواز ويكون عمل مستقبله واسمه وفلوس، والاختيار هيفرق كتير".
واستأنفت رانيا يوسف: "أنا جربت الزواج مرتين بعد التلاتين والحقيقة مكنتش عايزة اتجوز بس المجتمعات العربية بتجبرك، وأنا كرانيا مش هتجوز تاني ولو حبيت هكمل قصة حب من غير جواز".

وبررت رانيا يوسف رفضها للزواج مجددًا بقولها: "الجواز بالنسبة ليا بيت وأسرة وعيال، وأنا عندي أطفال ولو فيه قصة حب حلوة هتبوظ بالجواز، والضغط اللي بيعمله الجواز بيبوظ الجواز، وبيبقى حب شكله تاني مش الحب الرومانسي، وبيكون حب عقلاني أوي أوي".
وأكدت أنها لن تعبأ في حال غضب الرجال من تصريحاتها، فقالت: "الرجالة هيزعلو.. ما يزعلوا.. هما كده كده بيهاجموني".
وتحدثت رانيا يوسف عن بناتها قائلة: "أنا عندي ياسمين الكبيرة ودي سنها 20 سنة، ونانسي عندها 17 سنة، ونانسي مثلت معايا في مسلسل (أسوار).. ولكن لا أعتقد أنها ستكمل في موضوع التمثيل.. ومش أنا اللي هقرر ده".

قد يهمك أيضا : 

أسوأ إطلالات النجمات العربيات في المناسبات خلال العام المنتهي

ملاحظات على فستان رانيا يوسف بالقاهرة السينمائي