طريقة إعداد المكرونة النجرسكو

الكمية تكفي
    6 فرد
وقت التحضير
    30 دقيقه
وقت الطهي
    30 دقيقه
المقادير
    مكرونه فرن

للبشاميل
لترلبن اونص لبن ونص شوربه فراخ
كوب دقيق
كوب زيت
3بيضات
مكعب مرقه
ملح وفلفل وتوابل

للحشوه
فراخ متقطعه شرايح
طماطم مكعبات كتير
بصل مكعبات كتير
فلفل اخضر مكعبات كتير برده
التحضير
    نسلق مكرونه فرن نص سوا
الطهى
    الحشوه::
نشوح البصل وننزل عليه بالفلفل الاخضر نشوحه وعليه الطماطم
وبعدين الفراخ ده في حاله تكون مستويه وبايته
لو نيه بننزل بيها هي اول حاجه وبعدين لما تقرب تستوي ننزل بباقي المكونات

البشاميل::
نسخن الزيت ننزل عليه بالدقيق ونقلب بسرعه الدقيق ونحمره
وبعدين ننزل حبه حبه بالسائل لحد مانوصل للسمك اللي احنا عاوزينه
وهو لسه تقيل ناخد كبشتين علشان نفرشهم في الصينيه
وبعدين نزود سائل لان هنا بيبقا عاوزينه بشاميل خفيف
وبعدما نطفي نزود ال3بيضات والمرقه والملح والتوابل ونقلب ونغليه غلوه ونطفي

في صينية::
نحط طبقه بشاميل الي شيلناه تحت وعليها نص المكرونه
وبعدين نفرد الحشوه وبعدين نص المكرونه التاني ونصب عليها البشاميل
وندخلها الفرن في النص علي درجه200الي220 لحد ماوشها يحمر لوحده من غير شوايه
ونسيبها تبرد شويه علشان تبقا قطع متماسكه وبألف هنا