تخلصت من إخوتي بعد وفاة أمي وأبي فهل ظلمتهم؟

السلام عليكم حلوها ، انا شاب عمري ٢١ سنة امي وابوي ماتو في حادث سيارة '' الله يرحمهم ويغفر لهم وان شاء الله مثواهم جنة الفردوس '' وانا صرت المسؤول عن اخوتي الصغار نحن ولدين و بنت '' الأول انا و الثاني اختي عمرها ٨ سنوات و الثالث اخوي عمره ٦ سنوات '' انا تعبت منهم يا جماعة والله قرفوني بحياتي ما يعتمدون على نفسهم بشي ابداً دائماً يبوني اكون بجانبهم و ادلعهم و اساعدهم وانا ما اقدر على هذا كله يعني الله يكرمكم وصل عندهم اني انا ادخلهم الحمام و اروشهم ما يقدرو يعتمدو على أنفسهم بشي دائماً اختي الصغيرة تطلب فلوس طلابتها ما تنتهي عوذبالله من كثر ضياع الفلوس فقط عشان فرحتها الي تضيع الفلوس المشكلة اختي صارت تبقاء اقراء لها قصص قبل النوم مثل امي و تبي اطبخلها و تبقاء اغسل ملابسها وتبقاء اساعدها في دروسها وتطلب مني اني احضنها دائماً!!! وطلبت مني قبل فترة احضر معها المدرسة لانه كان فيه اجتماع آباء وطبعاً انا رفضت كوني مشغول بدراستي وشغلي وبسبب هذا تتهمني اختي باني فشلتها في المدرسة وتقولي انت مو مثل بابا وانت ما تحبني زي اخوي وانا اكرهك وتبكي وتصرخ علي وصل عندها تضربني!! ما استحملت واعطيتها كف قوي سكتها و ريحني من صراخها وهي قالت الكثير وهي ما فكرت كيف انا اتعب عشانها وعشان لقمة العيش و دراستي وفوق هذا كله تطلب مني احضنها وادلعها وكأني لصقة فيها والله انا تعبت من طلابتها اللانهائي المزعجة ، و اخوي الصغير دائماً يطلب مني اطلعه معي في كل خرجه وحتى مع اصحابي!!! دائماً يطلب العب معه كورة يطلب اتفرج معه فلم و يطلب اروح معه نادي الكورة واشوف مبارته هو و فريقه السخيف ''قبل شهر طلب مني اخوي أعلمه كيف يسوق الدراجة و قلتله مو ابوي علمك؟ قالي لا ما علمني ولكن كان بعلمني ولكنه مات '' رغم اني متاكد ابوي علمه ولكنه يبيني اتفرغ له بأشد الطرق ، بسبب هذا كله انا حطيت اختي و اخوي عند جدتي وصار شهرين تغريباً وانا ما شفتهم والله البيت صار هادئ ومريح صرت اقدر اذاكر براحة بدون ازعاج او طلبات لانهائي، اعرف تصرفي تصرف طفولي ولكني والله ما استحملهم تعبت منهم وفوق هذا كله انا عندي دراسات الجامعة و فوق الجامعة انا اشتغل واصرف ماني فاضي لتربيتهم ، والله يا حلوها ما اعرف وش اسوي احس نفسي ضايع صار شهرين وانا ما قابلت أو تكلمت مع اختي و اخوي الصغار خائف اقابلهم ثاني ويرجع الهم والتعب والضغط بسببهم ، جدتي تحب الاطفال وهي مالها منزعجة منهم '' تنصحوني يا حلوها ارسل فلوس فترة لفترة لأختي و اخوي و اقابلهم من فترة لفترة يعني مثلاً ارسل لهم كل اسبوعين مبلغ ممتاز و اقابلهم عند جدتي كل شهر أو اسبوعين بالكثير؟؟؟ هل كذا افضل؟ ما اعتقد اني سويت شي حرام ما دامهم عند جدتهم و جدتهم خبيرة في التربية

انت مخطا اكيد بكرة يكبروا و تكون عندهم حياة اخرى و يتفكرون صنعك هذا الجاف معهم و مين يعرف قد تحتاج من يغير لك حفاظة و طبعا ستلقى نفس المهاملة .. حطهم عند جدتك و لكن اذهب انت كمان للسكن معهم و ساعد جدتك امراة كبيرة او جبها تسكنو كلكم سوى ببيتكم و لازم تقف معهم لانهم عنجد محتاجينك